Нимесулид

Ішке қабылдау үшін суспензия дайындауға арналған түйіршіктер, 100 мг
Нимесулид

Қабынуға қарсы стероидті емес дәрі-дәрмектер. Қабынуға қарсы, ауырсынуды басатын және қызу басатын әсерге ие.

Белсенділігі бойынша түпнұсқа препаратқа биобаламалы

GMP EU еуропалық сапа стандарттары бойынша өндірілген

Фармакотерапиялық тобы

Қолданылуы

Қолдануды бастағанға дейін қажетті мәліметтер тізбесі

Қолдану жөніндегі ұсынымдар

Қосымша мәліметтер

Өндіруші туралы мәліметтер

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Қабынуға қарсы және ревматизмге қарсы стероидты емес басқа препараттар. Нимесулид.
АТХ коды: M01AX17

Қолданылуы

жедел ауырсынуды емдеуде
бастапқы дисменореяны емдеуде

Нимесулидті тек екінші желілі препарат ретінде тағайындау керек.
Нимесулидпен емдеу туралы шешім нақты пациент үшін барлық қауіптерді бағалау негізінде қабылдануы тиіс

Қолдануды бастағанға дейін қажетті мәліметтер тізбесі

Қолдануға болмайтын жағдайлар

нимесулидке немесе қосымша заттардың кез келгеніне аса жоғары сезімталдық
бронх демікпесінің, қайталанатын мұрын полипозының, мұрын маңы қойнауларының толық немесе толық емес бірігуі және ацетилсалицил қышқылы мен қабынуға қарсы стероидты емес басқа препараттардың (ҚҚСП) жағымсыздығы (оның ішінде анамнезінде)
анамнезінде нимесулидке гепатоуытты реакциялар
әлеуетті гепатоуыттылығы бар басқа дәрілік препараттармен бір мезгілде қолдану (мысалы, басқа ҚҚСП)
өршу фазасындағы ішектің созылмалы қабыну аурулары (Крон ауруы, ойық жаралы колит)
аортокоронарлық шунттаудан кейінгі кезең
суық тигенде және жедел респираторлық-вирустық инфекцияларда қызба синдромы
жедел хирургиялық патологияға күдік туындағанда
өршу фазасындағы асқазанның немесе он екі елі ішектің ойық жарасы
өршу фазасындағы асқазан-ішек жолының эрозиялық-ойық жаралы зақымдануы
анамнезінде асқазан-ішек жолының эрозиялық-ойық жаралы зақымдануы
анамнезінде тесілулер немесе асқазан-ішектен қан кетулер, оның ішінде ҚҚСП алдыңғы еммен байланысты
анамнездегі цереброваскулярлы қан кетулер, басқа да белсенді қан кетулер немесе жоғары қанағыштықпен қатар жүретін аурулар
қан ұюының ауыр бұзылулары
жүректің ауыр жеткіліксіздігі
бүйректің ауыр жеткіліксіздігі (креатинин клиренсі 30 мл/мин кем)
үдемелі бүйрек ауруы
расталған гиперкалиемия
бауыр жеткіліксіздігі, бауырдың белсенді ауруы
12 жасқа дейінгі балалар
жүктілік және бала емізу кезеңі
алкоголизм
есірткілік тәуелділік
сахараза/изомальтаза тапшылығы, фруктоза көтере алмаушылығы, глюкоза-галактоза мальабсорбциясы, өйткені препарат құрамында сахароза бар

Қолдану кезіндегі қажетті сақтық шаралары
Препаратты қолдану ұзақтығы ең аз, ауырсыну синдромын басу үшін қажетті ең аз тиімді дозада қолданғанда, қолайсыз жағымсыз әсерлерін барынша азайтуға болады.

Симптоматикасы жақсармаған жағдайда препаратпен емдеуді тоқтату керек.
Препаратты келесі аурулар кезінде сақтықпен қолдану керек:

артериялық гипертензия
жүректің ишемиялық ауруы
цереброваскулярлы аурулар
жүректің ауыр жеткіліксіздігі
дислипидемия/гиперлипидемия
қант диабеті
шеткері артериялар аурулары
геморрагиялық диатез
шылым шегу
бүйрек жеткіліксіздігі (креатинин клиренсі 30-60 мл/мин)
асқазан-ішек жолының (АІЖ) эрозиялық-ойық жаралы зақымдануының дамуы туралы анамнездік деректер, Helicobacter pylori инфекциясының бар болуы
егде жас
қабынуға қарсы стероидты емес препараттарды ұзақ уақыт бойы қолдану
алкогольді жиі тұтыну, ауыр соматикалық аурулар, жүйелі қызыл жегі (ЖҚЖ) және дәнекер тіннің басқа да жүйелік аурулары
келесі препараттармен қатар жүретін ем: антикоагулянттар (мысалы, варфарин), антиагреганттар( мысалы, ацетилсалицил қышқылы, клопидогрел), пероральді глюкокортикостероидтар (мысалы, преднизолон), серотонинді кері қармаудың селективті тежегіштері (мысалы, циталопрам, флуоксетин, пароксетин, сертралин)

Басқа дәрілік препараттармен өзара әрекеттесуі
Глюкокортикостероидтар асқазан-ішек жолдарының эрозиялық-ойық жаралы зақымдану немесе қан кету қаупін арттырады.
Тромбозға қарсы дәрілер және серотонинді қайта сіңірудің селективті тежегіштері (SSRIs), мысалы, флуоксетин, асқазан-ішектен қан кетудің пайда болу қаупін арттырады.
Антикоагулянттар. ҚҚСП варфарин сияқты антикоагулянттардың немесе ацетилсалицил қышқылы сияқты тромбозға қарсы әсері бар препараттардың әсерін күшейтуі мүмкін. Қан кету қаупінің жоғарылауына байланысты мұндай біріктірілім ұсынылмайды және ауыр коагуляция бұзылыстары бар пациенттерге қарсы көрсетілімді болып табылады. Егер біріктірілген емді әлі де болдырмау мүмкін болмаса, қанның ұю көрсеткіштерін мұқият бақылау қажет.
Қабынуға қарсы стероидты емес басқа препараттар (ҚҚСП): Құрамында нимесулид бар препараттарды ацетилсалицил қышқылын қоса, басқа ҚҚСП-мен бір мезгілде 1 г-дан астам бір реттік дозада немесе 3 г-дан астам тәуліктік дозада қолдану ұсынылмайды.
Диуретиктер. ҚҚСП диуретиктердің әсерін төмендетуі мүмкін. Дені сау еріктілерде нимесулид фуросемидтің әсерінен натрийдің шығарылуын уақытша төмендетеді, аз дәрежеде калийдің шығарылуын төмендетеді және диурездік әсерді төмендетеді. Нимесулид пен фуросемидті бір мезгілде қолдану «концентрация - уақыт» қисығы астындағы ауданның (AUC) азаюына (шамамен 20% - ға) және фуросемидтің бүйректік клиренсін өзгертпестен фуросемидтің кумулятивтік экскрециясының төмендеуіне әкеледі. Фуросемид пен нимесулидті бір мезгілде қолдану бүйрек немесе жүрек жеткіліксіздігі бар пациенттерде сақтықты талап етеді.
Ангиотензин-өзгертуші фермент (АӨФ) тежегіштері және ангиотензин ІІ рецепторларының антагонистері. ҚҚСП гипотензивті препараттардың әсерін төмендете алады. Жеңіл және орташа дәрежедегі (креатинин клиренсі 30-60 мл/мин) бүйрек жеткіліксіздігі бар пациенттерде АӨФ тежегіштерін, ангиотензин II рецепторларының антагонистерін және циклооксигеназа жүйесін басатын дәрілерді (ҚҚСП, антиагреганттар) бір мезгілде қолданғанда бүйрек функциясының одан әрі нашарлауы және әдетте қайтымды болатын, жедел бүйрек жеткіліксіздігі туындауы мүмкін. Осы өзара әрекеттесулерді АӨФ тежегіштерімен немесе ангиотензин II рецепторларының антагонистерімен бірге нимесулид қабылдайтын пациенттерде ескеру керек. Сондықтан осы препараттарды бір мезгілде қолдануды, әсіресе егде жастағы пациенттерде сақтықпен жүзеге асыру керек. Пациенттер сұйықтықтың жеткілікті мөлшерін қабылдауы тиіс, ал бүйрек функциясын бір мезгілде қолдану басталғаннан кейін мұқият бақылау керек.
Мифепристон. Простагландиндер синтезі тежегіштерінің әсерінен мифепристон тиімділігінің өзгеруінің теориялық тәуекеліне байланысты ҚҚСП-ны мифепристон тоқтатылғаннан кейін 8-12 тәуліктен ерте қолдануға болмайды.
Литий. ҚҚСП литий клиренсін төмендететіні туралы деректер бар, бұл қан плазмасындағы литий концентрациясының жоғарылауына және оның уыттылығына әкеледі. Литий препараттарымен ем алып жүрген пациенттерде нимесулидті қолданған кезде қан плазмасындағы литий концентрациясына тұрақты бақылауды жүзеге асырған жөн.
Глибенкламидпен, теофиллинмен, дигоксинмен, циметидинмен және антацидті препараттармен (мысалы, алюминий мен магний гидроксидтерінің біріктірілімі) клиникалық тұрғыдан маңызды өзара әрекеттесулер байқалған жоқ.
Нимесулид CYP2C9 изоферментінің белсенділігін басады. Осы ферменттің субстраты болып табылатын препараттарды нимесулидпен бір мезгілде қолданғанда соңғысының плазмадағы концентрациясы жоғарылауы мүмкін.
Метотрексат. Нимесулидті метотрексатты қабылдағанға дейін немесе одан кейін 24 сағаттан аз уақыт бұрын тағайындаған кезде сақ болу керек, өйткені мұндай жағдайларда қан плазмасындағы метотрексат деңгейі және тиісінше уытты әсерлері жоғарылауы мүмкін.
Бүйрек простагландиндеріне әсер етуіне байланысты, нимесулид жататын простагландиндер синтетазаларының тежегіштері циклоспориндердің нефроуыттылығын арттыруы мүмкін.
In vitro зерттеулері нимесулидтің толбутамидпен, салицил қышқылымен және вальпрой қышқылымен байланысатын жерлерден ығысатынын көрсетті. Осы өзара әрекеттесулер қан плазмасында анықталғанына қарамастан, көрсетілген әсерлер препаратты клиникалық қолдану процесінде байқалмады.

Арнайы сақтандырулар
Препаратты қолдану ұзақтығы ең аз, ауырсыну синдромын басу үшін қажетті ең аз тиімді дозада қолданғанда қолайсыз жағымсыз әсерлерін барынша азайтуға болады.
Нимесулидті қолдану кезінде пациент ҚҚСП (оның ішінде ЦОГ-2 селективті тежегіштері) қоса, басқа да анальгетиктерді қабылдаудан бас тартуы тиіс.

Бауырға әсері
Бауыр тарапынан ауыр реакциялардың өте сирек жағдайлары, оның ішінде құрамында нимесулид бар препараттарды қолданумен байланысты өлім жағдайлары туралы деректер бар. Бауырдың зақымдану симптомдарына ұқсас симптомдар (анорексия, терінің қышынуы, терінің сарғаюы, жүрек айну, құсу, іштің ауыруы, несептің күңгірттенуі, «бауыр» трансаминазалары белсенділігінің артуы) пайда болған кезде нимесулидті қолдануды дереу тоқтатып, дәрігерге қаралу керек. Мұндай пациенттерде нимесулидті қайта қолдануға болмайды. Препаратты қолданғаннан кейін 2 аптадан кейін бауыр функциясының көрсеткіштерін («трансаминаза») бақылау қажет. Көп жағдайда қайтымды сипатқа ие болатын, препаратты қысқа мерзімге қолданғанда бауыр тарапынан реакциялар туралы хабарланады.

Асқазан-ішек жолына әсері
Нимесулидті анамнезінде асқазан-ішек аурулары (ойық жаралы колит, Крон ауруы) бар пациенттерде сақтықпен қолдану керек, өйткені бұл аурулардың өршуі орын алуы мүмкін. Анамнезінде АІЖ ойық жарасы (ойық жаралы колит, Крон ауруы) бар пациенттерде, сондай-ақ егде пациенттерде асқазан-ішектен қан кетудің, асқазанның немесе он екі елі ішектің пептидтік ойық жарасының/тесілуінің пайда болу қаупі ҚҚСП дозасын ұлғайтқанда артады, сондықтан емдеуді ең аз ықтимал дозадан бастау керек. Осындай пациенттерге, сондай-ақ ацетилсалицил қышқылының төмен дозаларын немесе асқазан-ішек жолы тарапынан асқынулардың туындау қаупін арттыратын басқа да дәрілерді бір мезгілде қолдануды талап ететін пациенттерге қосымша гастропротекторларды (мизопростол немесе протонды помпа блокаторлары) қабылдауды тағайындау ұсынылады. Анамнезінде АІЖ аурулары бар пациенттер, әсіресе егде пациенттер дәрігерге АІЖ тарапынан жаңадан пайда болған симптомдар туралы (әсіресе асқазан-ішектен қан кету мүмкіндігін көрсететін симптомдар туралы) хабарлауы тиіс.
Нимесулидті ойық жаралану немесе қан кету қаупін арттыратын препараттарды (пероральді кортикостероидтар, антикоагулянттар, мысалы варфарин, серотонинді кері қармаудың селективті тежегіштері немесе антитромбоцитарлық агенттер, мысалы ацетилсалицил қышқылы) қабылдайтын пациенттерге сақтықпен тағайындау керек. Нимесулид қабылдайтын пациенттерде асқазан-ішектен қан кету немесе АІЖ ойық жаралы зақымдануы туындаған жағдайда препаратпен емдеуді дереу тоқтату қажет.

Көру мүшелеріне әсері
Басқа ҚҚСП қабылдайтын пациенттерде көрудің бұзылуы туралы хабарламаларды ескере отырып, кез келген көрудің бұзылуы пайда болған кезде нимесулидті қолдану дереу тоқтатылуы және офтальмологиялық тексеру жүргізілуі тиіс.

Жүрек-қантамыр және цереброваскулярлы жүйелерге әсері
Препарат тіндерде сұйықтықтың іркілуіне әкелуі мүмкін, сондықтан артериялық гипертензиясы бар, бүйрек және/немесе жүрек жеткіліксіздігіне, жүректің ишемиялық ауруына, шеткері артериялар ауруына және/немесе цереброваскулярлы ауруларға шалдыққан, жүрек-қантамыр ауруларының даму қаупі факторлары бар (мысалы: гиперлипидемия, қант диабеті, шылым шегушілерде) пациенттерге нимесулидті аса сақтықпен қолдану керек. Хал-ахуалы нашарлаған жағдайда нимесулидпен емдеуді тоқтату қажет.
Клиникалық зерттеулер мен эпидемиологиялық деректер ҚҚСП, әсіресе жоғары дозаларда және ұзақ уақыт қолданған кезде миокард инфарктісі немесе инсульт туындау қаупінің елеусіз артуына алып келуі мүмкін деген қорытынды жасауға мүмкіндік береді. Нимесулидті қолдану кезінде мұндай оқиғалардың пайда болу қаупін жоққа шығару үшін деректер жеткіліксіз.

Иммундық жүйе ағзаларының тарапынан реакциялар
Нимесулидті қолдану процесінде «суық тию» немесе жедел респираторлық-вирустық инфекция белгілері пайда болған кезде препаратты қабылдау тоқтатылуы тиіс.

Қан жүйесіне әсері
Нимесулид тромбоциттердің қасиеттерін өзгерте алады, сондықтан препаратты геморрагиялық диатезі бар адамдарда қолданғанда сақтық таныту керек, алайда препарат жүрек-қантамыр аурулары кезінде ацетилсалицил қышқылының профилактикалық әсерін алмастырмайды.

Тері жабындысы мен тері асты тіндерінің тарапынан реакциялар
Сирек жағдайларда ҚҚСП, оның ішінде нимесулидті қабылдау кезінде тері реакцияларының (эксфолиативтік дерматит, Стивенс-Джонсон синдромы, уытты эпидермальді некролиз сияқты) пайда болуы туралы деректер бар. Тері бөртпесінің алғашқы көріністерінде, шырышты қабықтардың зақымдануында немесе аллергиялық реакцияның басқа белгілерінде нимесулидті қабылдауды дереу тоқтату керек.

Фертильділікке әсері
Препаратты қолдану әйелдердің фертильділігіне теріс әсер етуі мүмкін және жүктілікті жоспарлаған әйелдерге ұсынылмайды.

Қосымша заттар
Нимесулидтің құрамында сахароза бар. Бұл препарат сирек тұқым қуалайтын фруктоза көтере алмаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге тағайындалмауы тиіс.

Егде жастағы пациенттер
Егде жастағы пациенттер ҚҚСП-ға туындайтын жағымсыз реакцияларға, оның ішінде пациенттің өміріне қауіп төндіретін асқазан-ішек қан кетулерінің және тесілулердің пайда болу қаупіне, бүйрек, бауыр және жүрек функцияларының төмендеуіне әсіресе бейім болып келеді. Нимесулидті қабылдаған кезде пациенттердің осы санаты үшін тиісті клиникалық бақылау қажет.

Педиатрияда қолдану
Нимесулид дәрілік препаратын 12 жасқа дейінгі балаларда қолдануға болмайды.

Жүктілік немесе лактация кезінде
Простагландиндер синтезін тежейтін ҚҚСП класындағы басқа препараттар сияқты, нимесулид жүктіліктің барысына және/немесе эмбрионның дамуына теріс әсер етуі мүмкін және артериялық түтікшенің мерзімінен бұрын бітелуіне, шарананың өкпе артериясы жүйесіндегі гипертензияға, шаранада олигуриямен бірге бүйрек жеткіліксіздігіне өтуі мүмкін бүйрек функциясының бұзылуына, қан кету қаупінің жоғарылауына, жатыр контрактильділігінің төмендеуіне, анасында шеткері ісінудің пайда болуына әкелуі мүмкін.
Жүктілік кезеңінде нимесулидті қолдануға болмайды.
Нимесулидті бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Нимесулидтің көлік құралдары мен механизмдерді басқару қабілетіне әсері зерттелмеген, алайда жүйке жүйесі тарапынан жағымсыз реакцияларды (бас айналу, ұйқышылдық) ескере отырып, автокөлік құралдары мен басқа да механизмдерді басқарудан бас тартқан жөн.

Қолдану жөніндегі ұсынымдар

Дозалау режимі
Қсолайсыз жағымсыз әсерлерді мейлінше азайту үшін емдеудің ең аз ұзақтығы кезінде ең аз тиімді дозаны қабылдау керек.
Нимесулидпен емдеу курсының ең көп ұзақтығы 15 күнді құрайды.

Ересектерге
Тамақ ішкен соң тәулігіне екі рет 1 пакеттен (100 мг нимесулид).

Егде жастағы пациенттер
Егде жастағы пациенттерге тәуліктік дозаны азайтудың қажеті жоқ.
Балалар (<12 жыл)
12 жасқа дейінгі балаларға Нимесулид препараты қарсы көрсетілімді.
Жасөспірімдер (12 жастан 18 жасқа дейін)
Ересектердегі кинетикалық бейіннің және нимесулидтің фармакодинамикалық сипаттамаларының негізінде 12 жастан 18 жасқа дейінгі жасөспірімдерде тәуліктік дозаны түзетудің қажеті жоқ.
Бүйрек жеткіліксіздігі бар пациенттер: Бүйрек жеткіліксіздігінің жеңіл және орташа түріне (креатинин клиренсі 30 - 80 мл/мин) шалдыққан пациенттерде дозаны түзету қажеттілігі жоқ, ал ауыр бүйрек жеткіліксіздігіне (креатинин клиренсі < 30 мл/мин)шалдыққан пациенттерге Нимесулид препаратын тағайындауға болмайды.
Бауыр жеткіліксіздігі бар пациенттер: бауыр жеткіліксіздігі бар пациенттерге Нимесулид препараты қарсы көрсетілген.

Енгізу әдісі мен жолы
Ішке.

Қабылдау уақыты көрсетілген қолдану жиілігі
Нимесулид дәрілік препаратын тамақтан кейін күніне 2 рет жеткілікті мөлшерде су іше отырып қабылдайды (Дозалау режимін қараңыз).

Артық дозалану жағдайында қабылдануы қажет шаралар
Симптомдары
Апатия, ұйқышылдық, жүрек айнуы, құсу, эпигастрий аймағындағы ауырсыну. Бұл симптомдар, әдетте, симптоматикалық және демеуші емді жүргізу кезінде қайтымды болады. Артериялық қысымның жоғарылауы, асқазан-ішектен қан кету, жедел бүйрек жеткіліксіздігі, тыныстың тарылуы, кома, анафилактоидты реакциялар орын алуы мүмкін.
Емі
Симптоматикалық және демеуші ем. Спецификалық антидоты жоқ. Егер артық дозалану симптомдары препаратты қабылдағаннан кейін 4 сағат ішінде пайда болса, құстырту және/немесе белсендірілген көмірді (ересек адам үшін 60-тан 100 г-ға дейін) және/немесе осмостық іш жүргізетін дәріні қабылдауды қамтамасыз ету қажет. Қарқынды диурез, гемодиализ, гемоперфузия, несептің сілтіленуі нимесулидтің қан плазмасы ақуыздарымен (97.5%-ға дейін) жоғары байланысу дәрежесіне байланысты тиімсіз. Бүйрек пен бауыр функциясының жай-күйін бақылау қажет.

Дәрілік препараттың бір немесе бірнеше дозасын өткізіп алған кездегі қажетті шаралар
Нимесулид дәрілік препаратының бір немесе бірнеше дозасын өткізіп алған кезде препараттың өткізіп алған дозасын жоққа шығарып және тағайындалған қабылдау режимін жаңарту керек. Препараттың қосарлы дозасын қабылдауға болмайды.
Препаратты қолдану туралы қосымша сұрақтар туындаған кезде пациент емдеуші дәрігермен кеңесу керек.

Тоқтату симптомдары қаупінің бар болуын көрсету
Нимесулид дәрілік препаратын қолдануды уақытша тоқтатқаннан кейін препараттың қандай да бір тоқтату симптомдарының дамуы сипатталмаған.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар
Нимесулид дәрілік препаратын қолдану тәсілі бойынша ұсынымдар осы қосымша парақтың «Қолдану жөніндегі ұсынымдар» бөлімінде егжей-тегжейлі сипатталған.
Дәрілік препаратты қолдану тәсілі бойынша қосымша сұрақтар болған жағдайда емдеуші дәрігердің көмегіне жүгіну қажет.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес).

Қан және лимфа жүйесі тарапынан бұзылулар:
Сирек

анемия
эозинофилия
геморрагия

Өте сирек

тромбоцитопения
панцитопения
тромбоцитопениялық пурпура
қан кету уақытының ұзаруы

Иммундық жүйенің тарапынан бұзылулар
Сирек

аса жоғары сезімталдық реакциялары

Өте сирек

анафилактоидты реакциялар

Психиканың бұзылуы:
Сирек

қорқыныш сезімі
күйгелектік
түнгі «қорқынышты» түс көру

Жүйке жүйесінің тарапынан бұзылулар
Жиі емес

бас айналу

Өте сирек

бас ауыру
ұйқышылдық
энцефалопатия (Рейе синдромы)

Көру мүшелері тарапынан бұзылулар
Сирек

көрудің бұлыңғырлануы

Өте сирек

көрудің бұзылуы

Есту мүшесі тарапынан бұзылулар және лабиринтті бұзылулар
Өте сирек

вертиго

Жүрек тарапынан бұзылулар
Сирек

тахикардия
жүректің қағуын сезіну

Қантамырлар тарапынан бұзылулар
Жиі емес

артериялық қысымның жоғарылауы

Сирек

артериялық қысымның тұрақсыздығы
қанның бетке тебуі

Тыныс алу жолдары, кеуде ағзалары және көкірек ортасы тарапынан бұзылулар
Жиі емес

ентігу

Өте сирек

бронх демікпесінің өршуі
бронх түйілуі

Асқазан-ішек жолы тарапынан бұзылулар
Жиі

диарея
жүрек айнуы
құсу

Жиі емес

іш қату
метеоризм
гастрит
асқазан-ішектен қан кету
асқазанның немесе он екі елі ішектің ойық жарасы және/немесе тесілуі

Өте сирек

іштің ауыруы
диспепсия
стоматит
қарамай тәрізді нәжіс

Бауыр мен өт шығару жолдары тарапынан бұзылулар
Жиі

«бауыр» ферменттері белсенділігінің артуы

Өте сирек

гепатит
шұғыл дамыған (фульминантты) гепатит (өліммен аяқталған жағдайды қоса)
сарғаю
холестаз

Тері және тері асты тіндері тарапынан бұзылулар
Жиі емес

қышыну
тері бөртпесі
шамадан тыс терлеу

Сирек

эритема
дерматит

Өте сирек

есекжем
ангионевроздық ісіну
беттің ісінуі
көп формалы эритема
Стивенс-Джонсон синдромы
уытты эпидермальді некролиз (Лайелл синдромы)

Бүйрек және несеп шығару жолдарының тарапынан бұзылулар
Сирек

дизурия
гематурия
несеп шығарудың іркілуі

Өте сирек

бүйрек жеткіліксіздігі
олигурия
интерстициальді нефрит
гиперкалиемия

Жалпы бұзылыстар мен енгізу орнындағы бұзылулар
Жиі емес

шеткері ісіну

Сирек

дімкәстану
астения

Өте сирек

гипотермия

Егер нұсқаулықта көрсетілген жағымсыз әсерлердің кез-келгені нашарласа немесе нұсқаулықта көрсетілмеген басқа жағымсыз әсерлерді байқасаңыз, бұл туралы емдеуші дәрігеріңізге хабарлаңыз.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz

Қосымша мәліметтер

Дәрілік препараттың құрамы
Бір пакеттің ішінде
белсенді зат − нимесулид (100% затқа шаққанда), 100.0 мг,
қосымша заттар: апельсин хош иістендіргіші, лимон қышқылы, мальтодекстрин, макрогол цетостеараты, сахароза.

Сыртқы түрінің, иісінің, дәмінің сипаттамасы
Апельсин иісі бар ақ дерлік түстен ашық сары түске дейін ұнтақ пен түйіршіктердің қоспасы. Түстің әртекті болуына жол беріледі.
Апельсин иісі бар ақтан ашық сары түске дейін дайын суспензия.

Шығарылу түрі және қаптамасы
Қаптамалық көп қабатты материалдан (полиэтилентерефталат-полипропилен-алюминий-полиэтилен) жасалған бір реттік пакеттерге 2.0 г салынған.
30 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау мерзімі
2 жыл.
Жарамдылық мерзімі өткеннен кейін қолдануға болмайды!

Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!

Дәріханалардан босатылу шарттары
Рецепт арқылы

Өндіруші туралы мәліметтер

«АВВА РУС» АҚ, Ресей
610044, Киров обл., Киров қ., Луганская к-сі, 53А үй
Тел.: +7 (8332) 25-12-29; +7 (495) 956-75-54
Эл. пошта: avva.com.ru

Тіркеу куәлігінің ұстаушысы
«АВВА РУС» АҚ, Ресей
121614, Мәскеу қ., Крылатские Холмы к-сі, 30 үй, корп. 9
Тел.: +7 (495) 956-75-54
Эл. пошта: info@avva-rus.ru
avva.com.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«AVVA Kazakhstan» ЖШС, Қазақстан Республикасы
050008, Алматы қ., Алмалы ауданы, Абай даңғылы, 109В үй, 501 т. е.
Тел.: +7 (727) 355-11-27
Эл. пошта: drug.safety@avva-rus.ru